இந்த நிலையில், ‘கபாலி’-யில் மலையாள சூப்பர் ஸ்டார் மோகன்லாலும் இணைந்திருக்கிறார். படத்தில் அல்ல, ‘கபாலி’ படத்தின் வியாபாரத்தில் இணைந்திருக்கிறார். அதாவது ‘கபாலி’ படத்தை கேரளாவில் மோகன்லால் வெளியிட இருக்கிறார். மோகன்லாலின் மேக்ஸ் லேப் நிறுவனம், ரூ.8.5 கோடிக்கு படத்தின் வெளியீட்டு உரிமையை வாங்கியுள்ளது.
இந்த தகவலை மோகன்லாலின் மேலாளர் ஆண்டனி, தனது பேஸ்புக் பக்கத்தில் தெரிவித்துள்ளார். இவ்வளவு பெரிய தொகைக்கு கேரளாவில் இதுவரை வேறு எந்தவொரு நேரடி தமிழ் படமும் வியாபாரம் ஆனதில்லை என்று கூறப்படுகிறது.
சமீபத்தில் வெளியான விஜய்யின் ‘தெறி’ படத்தின் கேரள விநியோக உரிமை 5.6 கோடி ரூபாய்க்கு விலை போனதாக அப்போது செய்திகள் வெளியாகியிருந்தது குறிப்பிடத்தக்கது.
No comments:
Post a Comment
உங்கள் கருத்துக்கள் வரவேற்கப்படுகிறது...